Një gol i shënuar, një festë e çmendur dhe në fund, një jashtë programi pak i tensionuar. Gonzalo Higuain nuk përmbahet. Gjithçka është kapur nga telekamerat e Mediaset, teksa telekronisti lajmëron intervistën për Higuain: “Ka pak probleme… Duhet të vinte El Pipita por… Ose, prit se e kanë rikuperuar”.
Regjia kap argjentinasin, që është me nerva dhe i drejtohet zëdhënësit për shtyp të Juves: “Dy pyetje! Dy pyetje! Nëse bëhen 3, iki!”. Tensioni në majë, gazetari bën dy pyetjet dhe përgjigjia është: “Hap i rëndësishëm për titullin. Kam qenë gjithmonë i qetë”.