Jasir Asani ka luajtur ndeshjen e fundit me Partizanin, ndërsa tani përgatitet për aventurën e re te AIK. Një nga protagonistët absolut tek të kuqtë në kohën që fitoi tiullin kampion, ndërsa me ardhjen e Lerdës në krye, ka pasur shumë përplasje me teknikun italian.
I ftuar në “Zona Gol”, ishte edhe Jasir Asani. Astit Hafizi ka pasur një mendim ndryshe, duke e thënë hapur analizën e tij.
“E kam parë sot dhe nuk ishte gjëkundi në fushë. Megjithë respektin tim dhe vlerësimin për të, por nuk ka luajtur mirë. Nuk e di kur e pëlqeu AIK-u? Tani e pëlqeu, që nuk po luante te Partizani? Do të kishte kuptim të largohej në verë kur u shpall kampion me Partizanin. Por kjo tani nuk ka kuptim dhe më bën shumë konfuz. Ose Partizani tha hajde të fitojmë ca lekë me Asanin”, tha Hafizi. /Sport Ekspres/