Teksa Tirana po vazhdon në krizën e rezultateve, një analizë të këtij klubi e ka bërë edhe Astrit Hafizi. Ky i fundit është shprehur te “Zona Gol” se brenda ekipit ka edhe grupime mes lojtarëve, që sjellin një situatë jo të qetë që shprehet më pas edhe në rezultate.
“Unë them që mos kujtoni që brenda ekipit nuk ka grupime. Pra që nuk ka grupime mes lojtarëve që duan largimin e trajnerit nëse nuk luajnë. Ndërsa ata që e kanë një dorë nga trajneri, e duan që të qendrojë. Kjo është situata që shoh unë. Madje Ahmataj ka bërë gabim që është rikthyer pas asaj deklarate të nxituar që ka bërë. Duke parë të gjithën këtë, mund të thuhet edhe ajo shprehja që ata po ua “pinë lëngun”, tha Hafizi. /Sport Ekspres/