Gjetja më e goditur e Partizanit, vlera e Kaleb Ekuban rritet në mënyrë “astronomike”

Kaleb Ekuban po hedh vetëm hapa përpara në karrierën e tioj si futbollist. Ish-sulmuesi i Partizanit tashmë është pjesë e klubit të Trtabzonsporit në elitën e Turqisë, ku nuk i kanë munguar golat në fushën e lojës. Me anë të paraqitjeve të tij, ganezi ka bërë që shumë skuadra të interesohen për të, ndërsa vlera e tij në treg është rritur ndjeshëm.

Nga 1 milionë e 250 mijë euro, kartoni i Ekubanit tani vlerësohet për shifrën e 4 milionë eurove, duke pësuar kështu një rritje me 220% në tre muajt e fundit. Sipas asaj që raporton tele1.com, sulmuesi përfshihet në listën me 9 lojtarë, vlera e të cilëve është rritur në mënyrë astronomike. E nëse paraqitjet e mira dhe golat shtohen për të, patjetër që shifrat mund të ndryshojnë sërish, madje një gjë e tillë mund të sjellë edhe ndryshimin e ekipit, pasi interesi për të nuk mungon as tani./Sport Ekspres/