Gjilani ka zyrtarizuar ditën e sotme një tjetër transferim. Grupit të Gentian Mezanit i bashkohet një futbollist me perspektivë për të ardhmen, Fatlind Azizi. Ky i fundit ka qenë pjesë e të rinjve të Bursasporit dhe të Fenerbahçes, ndërsa mosha e tij është vetëm 19 vjeç. Mesfushori i jep mundësinë trajnerit të gjilanasve të ketë më tepër alternativa në fushë, në mënyrë që të synojë edhe objektivat që klubi ka që nga nisja e sezonit. Lajmin e përcjell vetë klubi i Gjilanit përmes faqes zyrtare në “Facebook”, ku shprehen se përvoja e Azizit në Turqi do i shërbejë shumë ekipit në pjesën e mbetur të sezonit./Sport Ekspres/
