Mesfushori i Skënderbeut, Enis Gavazaj, mbush nesër 23 vjeç dhe ky përvjetor e gjen kuqezi. Dhurata më e bukur për lojtarin kosovar është grumbullimi me Kombëtaren. Djaloshi nga Prizreni është që në 2016-ën pjesë e Skënderbeut dhe paraqitja e mirë me fanellën e tij ka bërë që të marrë edhe ftesë nga trajneri Panuçi.
Gavazaj është rritur shumë kohët e fundit dhe niveli i treguar prej tij në grupet e Europa League sigurisht që nuk ka kaluar pa u vënë re. Jo më kot Enis Gavazaj është lojtari më i shtrenjtë i Superligës. Sipas “transfermarkt.com”, ai vlen 750 mijë euro. Gavazaj pretendon që shumë shpejt të kalojë në një kampionat të huaj. Ditëlindjen e 23-të e festoi me Kombëtaren kuqezi, në grumbullimin e Durrësit dhe kuptohet që nuk ka më mirë. Edhe 100 Enis!