I njëjti problem i vjetër që vazhdon edhe sot, Ardian Ismajli! Mbrojtësi i Empolit do të kalonte nga Kosova për të vazhduar te Shqipëria. Por në Kosovë kanë qenë të shumta sulmet që vinin nga faqe të ndryshme sportive dhe që kanë impakt të madh te publiku.
Këtë problem e ka shprehur shpeshherë edhe vetë babai i futbollistit duke treguar reagimin e keq që ka ardhur karshi tyre pas zgjedhjes së bërë për Shqipërinë. Avazi ka vazhduar edhe pas ndeshjes së Shqipërisë ndaj Polonisë. Në një prej faqeve sportive që ndiqet së tepërmi është parë e arsyeshme që Ardian Ismajlit t’i mbulohet fytyra pasi cilësohet si “bukëshkelur” dhe “tradhtar”. /Sport Ekspres/
