Kasano i ka dhënë një goditje të madhe Murinjos. Ish-futbollisti i njohur u shpreh se portugezi nuk mund të stërvis një ekip profesionist, por vetëm amatorët. Kasano e konsideroi këtë trajner si një aktor që mund të bëjë zhurmë vetëm në media për shkak të deklaratave.
“Murinjo është një aktor për kinema, atij nuk i plas fare për futbollin, unë nuk e kuptoj sesi i merr rezultatet. Ka qenë trajner i madh, por tani është në nivelin që mund të drejtojë dhe stërvis vetëm amatorët. Historia do të duket, por mos të bëhemi budallenj tani, Murinjo nuk di asgjë për futbollin”, tha Kasano. /Elio Hajdari-Sport Ekspres/