Shumë zhurmë ka shkaktuar në media sa i përket pagesës dhe rrogave të pa marra te Kukësi. Kështu u përfol se lojtarët kishin 2 muaj pa u paguar. E mbi të gjitha, drejtori sportiv i verilindorëve, Nderim Nexhipi, është shprehur se Safet Gjici e kishte telefonuar për t’i thënë lojtarëve se do të kishin premio pas fitores me Tiranën.
“Sport Ekspres” ka mësuar se lojtarëve iu është hedhur sot në llogarinë e tyre rroga dhe gjithçka është në rregull. Gjithashtu presidenti Safet Gjici u ka dorëzuar edhe premiot e premtuara, duke i motivuar më tepër lojtarët që të vazhdojnë punën e tyre me passion. /Sport Ekspres/