Një sezon fantastik ka zhvilluar Vangjo Zguro me ekipin e Chattanooga Red Wolves. Shumë herë duke marrë edhe rolin e heroit dhe me gola fantastikë të realizuar, pavarësisht se detyrat e tij ishin mbrojtëse.
Por sezoni përfundoi dhe vetë futbollisti 26-vjeçar ka falenderuar klubin për të cilin luajti gjatë këtij sezoni, pa harruar edhe tifozët. Më parë Zguro ka luajtur edhe për shumë ekipe shqiptare, teksa i fundit ishte Kukësi.
A mund të kthehet Zguro në Superiore? Jo, vendimi është marrë për këtë çështje. Sipas asaj që zbulon “Sport Ekspres”, bisedimet po vijojnë me disa klube në Amerikë dhe zyrtarizimi do të vijë në ditët në vijim. /Sport Ekspres/