Egbo i ka marrë maksimumin Tiranës, teksa në 3 takimet si trajner i parë ka grumbulluar 9 pikë. Më herët është folur dhe u tha nga vetë Egbo se nuk do ta pranonte stolin te Tirana për të vazhduar në të njëjtin pozicion. Por te “Provesi Sportiv”, ka ndryshuar qendrimi dhe është thënë se do të vazhdohet nëse jepet oferta nga Halili.
“Te ajo fitorja në derbi, nuk kam drejtuar i vetëm, kam pasur edhe Zotin që është lart në qiell. Po ta shikoni ajo ishte ndeshje perfekte. Ndoshta nuk do e besoni, por ishte një profetsi, Zoti kishte shkruar që atë ndeshje do e fitonte Tirana kundër Partizanit. Kam shkuar direkt në kishë pas ndeshjes. Po e përsëris, kam drejtuar bashkë me Zotin aty. Përpara derbit bisedova me Zotin dhe i thashë gjëndja e Tiranës është e shkatëruar, vetëm me ndihmën tënde mund ta fitojm derbin dhe e fituam,
Nëse presidenti Halili më thotë për të qendruar, do të qendroj. Te Tirana tifozët flasin dhe thonë gjithmonë për të fituar titullin kampion. Por nuk duhet të jetë kështu, duhet të shohim ndeshje pas ndeshje. Kështu e fitoi edhe Partizani vjet kampionatin. Çdo tifoz ka menduar se Tirana ka mbaruar para derbit. U kam thënë që nuk keni se çfarë të humbisni më. Nëse do të fitoni, do të ndryshoni shumë gjëra. Djemtë u futën vetë në lojë pastaj. Futbolli nuk ka shkencë, ne tani vetëm po luajmë me strategji. U thashë edhe ndaj Laçit që mbajeni 1-1 deri në minutën e 70, pastaj do e shikoni vetë që do të vijë goli”, ka thënë Egbo. /Sport Ekspres/