Bayern Munich ka vendosur përfundimisht emrin e trajnerit që do të qendrojë në stolin e tyre deri në fund të këtij sezoni. Do të jetë pikërsiht trajneri i përkohshëm, Hans Flick, i cili ka marrë rezultate vërtet pozitive këto ndeshje me bavarezët dhe një gjë e tillë është shpërblyer nga drejtuesit e klubit gjerman.
Ndërkohë kjo mund të shërbejë edhe si një shembull për skuadrën e Tiranës. Bardheblutë e kanë lënë ekipin nën drejtimin e përkohshëm të nigerianit Egbo, që në tre ndeshje ka marrë tre fitore. Në fillim trajneri i portirëve të kryeqytetasve do të refuzonte detyrën e kreut të pankinës deri në fund të sezonit, por pas ndeshjes situate kishte ndryshuar. Egbo u shpreh se do të ulej në diskutim me presidentin e klubit për të vendosur. Me sa duket një model si ai i Bayern mund të ndodhë edhe te Tirana, pasi në fund të fundit fusha e lojës ka folur e tëra në favor të Egbosë./Sport Ekspres/