Tirana u mposht sot me shifrat minimale 1-0 nga Erzeni. Shkakun për këtë humbje, Lirim Zalla e gjen te nënvlerësimi i ardhur nga bardheblutë karshi kundërshtarit. Zalla tregohet i ashpër me ekipin kryeqytetas, teksa ka thënë në studion e emisionit “Skaner Superiore” se Tirana nuk është në atë nivel sa të nënvlerësojë rivalët e saj.
“Edhe Manchester City të luante me Erzenin nuk do ta nënvlerësonte. Jo më Tirana. Pse, çfarë është Tirana? Sikur po i mund të gjithë nga 10-0 Tirana dhe do ta nënvlerësojë. Edhe Guardiola me Manchester City-n të vinte, nuk do ta nënvlerësonte”, ka thënë Lirim Zalla./Halit Delibashi-Sport Ekspres/