Laçi do të ndeshet ndaj Kukësit, në takimin e vlefshëm për javën e 12 të Superiores. Njëkohësisht edhe një nga përballjet më interesante.
Kjo pasi verilindorët kërkojnë me patjetër fitoren për të mbajtur ritmin e titullit, por nga ana tjetër, është Laçi në një formë fantastike me ardhjen e Cungut në krye. Sidomos me një sulmues si Naubueze, që është më produktivi në Superiore.
Një prej lojtarëve që pritej në këtë përballje ishte edhe Eglentin Gjoni, një nga më të mirët e Laçit dhe që ka pasur një dëmtim të rëndë prej disa javësh. “Sport Ekspres” konfirmon se Gjoni nuk do të jetë i gatshëm për ndeshjen e Kukësit, ndërsa pritet të rikthehet për ndeshjen e ardhshme. /Sport Ekspres/