Një lajm i pabesueshëm vjen nga Turqia. Sivaspori po lufton për mbijetesë në ndeshjet e fundit në elitë, por do të bëjë pa Rei Manajn. Pikërisht në dy takimet finale, atje ku do të vendoset nëse Sivaspor qëndron në kategori apo jo.
Cila është arsyeja? Trajneri ka kritikuar hapur performancën e Manajt që sipas tij ishte shumë e dobët dhe shqiptari nuk ka marrë pjesë në stërvitje në 5 ditët e fundit para Samsunsporit. Kështu drejtuesit e skuadrës kanë shkuar me vendimin dramatik teksa Manaj është përjashtuar nga ekipi për 2 ndeshjet e fundit duke mbyllur sezonin para kohe. /Sport Ekspres/