Mesi mund të rikthehet te Barcelona dhe ky nuk është vetëm një aludim i mediave spanjolle. Këtë e ka konfirmuar trajneri i katalanasve, Xavi. Ky i fundit u shpreh se ka komunikim me argjentinasit për ta bindur që të kthehet sërish në Spanjë.
“Nuk është koha për të folur për rikthimin e Mesit. Unë flas shumë me të se është mik i imi, por nuk është ky momenti. Po e diskutojmë çështjen dhe shpresoj që ta shoh atë të kthehet sërish në shtëpi. Unë do të isha shumë i lumtur nëse do të kthehet lojtari më i mirë në histori. Por tani po luftojmë për titujt dhe nuk jemi në kohë merkato”, tha Xavi. /Sport Ekspres/