Kristiano Ronaldo vazhdon të luajë në nivele të larta të futbollit europian, megjithëse mosha tashmë nuk flet më në favor të sulmuesit portugez. Megjithatë te Juventusi nuk po e shpreh veten në mënyrën më të mirë edhe për shkak të përplasjeve që ka në këtë skuadër.
Kryesorja është me trajnerin Sarri, madje ky i fundit do e nxirrte dy herë nga loja disa kohë më parë. Kjo shkaktoi pakënaqësinë e Ronaldos, që në një rast u largua menjëherë nga stadiumi pas fitores me Milanin, duke mos pritur që të festojë dhe urojë shokët e skuadrës.
Media spanjolle “ABC” shkruan se sulmuesi i ka kërkuar menaxherit të tij, Jorge Mendes, që ta largojë nga Juventusi. Por ky i fundit nuk e ka gjetur një tjetër ambient për Ronaldon, pasi askush nuk e pret atë. Disi e çuditshme mund të duket për portugezin, por asnjë prej ekipeve si Bayern, Reali apo PSG nuk është i gatshëm që ta transferojë në skuadër. Kjo për shkak të pagesës së lartë që kërkon lojtari dhe për klubet shihet si një investim jo i duhur, për shkak se është 35-vjeç. Kjo solli edhe qendrimin e detyruar te Juventusi në janar, por nuk përjashtohet mundësia për një lëvizje të mundshme në verë. /Sport Ekspres/