Shkëndija e Tetovës ka zyrtarizuar sot marrëveshjen me mbrojtësin Visar Musliu, futbollist i kombëtares së Maqedonisë, titullar në 4 ndeshje në kualifikueset e Botërorit 2018, duke shënuar ndaj Lihtenshtejnit.
23-vjeçari nga Gostivari ka luajtuepër shumë vite te Renova dhe verën e shkuar kaloi te Vardari, por aty firmosi një kontratë që e lejonte të largohej nëse merrte ofertë nga klub i huaj.
Për këtë arsye, Musliu kaloi te Prishtina ditët e fundit, ku u regjistrua si futbollist, ndërsa sot ka kaluar në huazim te Shkëndija, që në këtë mënyrë ka gjetur shtegun për të marrë shqiptarin e talentuar, i cili kishte disa oferta nga jashtë vendit.