Futbolli, sidomos kur luhen ndeshje të nivelit shumë të lartë, emocionon tifozët anembanë botës dhe ngjall ndjenja të forta, por duket se disa njerëz nuk i kontrollojnë dot ato.
Kështu, në Indi është gjetur i vdekur një tifoz, i cili ishte zhdukur prej 2 ditësh, që pas ndeshjes Argjentinë-Kroaci 0-3.
Aleks Dinu, një sipërmarrës indian nga Kerala, ka kryer vetëvrasje, shkruan The Times of India, hipotezë e konfirmuar nga familja e tij, që zbuloi një letër lamtumire lënë nga viktima.
Indiani ishte duke parë ndeshjen e Argjentinës, me të cilën ishte tifoz i çmendur, aq sa në ditarët e tij shkruante se jeta e tij i kushtohej Mesit, të cilin ëndërronte ta shihte kampion bote.
“Nuk më mbetet tjetër për të parë në këtë botë, po iki… askush nuk duhet të konsiderohet përgjegjës për vdekjen time”.