Vllaznia arriti që të mposhte Partizanin dhe të bëj një tjetër hap të rëndësishëm për të hedhur kështu kandidaturën e saj për titullin kampion. Nuk është pritur gjatë, por që në vitin e parë pas ndryshimeve të bëra në strukturë, shkodranët janë duke gjetur qetësinë e munguar dhe vijueshmërinë e rezultateve pozitive. Por në triumfin e arritur me Partizanin sot kishte edhe një denoncim nga Olsi Rama, me drejtorin sportiv të Partizanit që u shpreh se Vllaznia ka luajtur me tifozë.
Nuk ka munguar shumë përgjigja nga sponsori i Vllaznisë, Alban Xhaferi, teksa i ftuar në “Rubrika Sportive” që transmetohet në “RTSH” u shpreh: “Keqardhja është që e kemi stadiumin bosh, kur kemi këto rezultate. Stadiumi ynë dhe “Air Albania” i plotëson kushtet për një numër të kufizuar tifozësh. Jam çuditur edhe nga deklarata e Olsi Ramës që tha se Partizani u ndikua nga tifozët se ashtu i bie ta kishim mundur 30-0 me stadium të mbushur”, tha Xhaferi. /Sport Ekspres/