Tërmetet e vazhdueshme që kanë prekur kryesisht qytetin e Durrësit dhe Fushë-Krujës janë të pallogaritshme në dëme. Deri tani konfirmohet të paktën 30 jetë të humbura dhe qindra ë plagosur. Po aq edhe banorë të pastrehë që janë duke u përballur me netët e ftohta të nëntorit dhe qiellin e hapur. Në një kohë kur e gjithë Shqipëria, Kosova dhe shtetet fqinje janë ngritur në këmbë për të ndihmuar sa më shpejtë banorët e prekur nga lëkunjdet, në ndihmë vijnë edhe Delegatët.
Tifogrupi i skuadrës së Lushnjes njofton se para pak minutash një sasi e konsiderueshme ndihmash janë nisur drejt qytetit bregdetar. Shumë familje kanë nevojë për ushqime, veshëmbathje dhe strehim të sigurtë. Edhe më herët grupe të tjera tifozësh ën Shqipëri dhe Kosovë janë nisur menjëherë drejt zonave të prekura duke kontribuar sado pak në dhimbjen e madhe dhe tragjike të të prekurve nga tërmeti./Sport Elkspres/