Serbia ka bërë surprizën e madhe në mbrëmjen e djeshme, teksa ka fituar ndaj Portugalisë me shifrat 1-2. Pas këtij triumfi, ballkanasit kanë marrë biletën direkte për në Botëror, ndërsa është komplikuar jo pak situata për Kristiano Ronaldon, që e rrezikon seriozisht kompeticionin.
Ndërkohë statistikat flasin se herën e fundit që Portugalia ishte mundur në shtëpi për kualifikuese, i përket vitit 2014. Pikërisht në atë vit kur Shqipëria e De Biazit e mundi në shtëpi falë golit të Bekim Balajt dhe kuqezinjtë shkuan në Europian. Në atë kohë, Paulo Bento do të jepte dorëheqjen menjëherë nga posti i trajnerit. /Sport Ekspres/