Julian Ahmataj nuk qëndron dot pushim. Ish-futbollisti i njohur, tashmë në hapat e parë si trajner, e nisi sezonin të Korabi, ku u bë pjesë e një projekti interesant, me një ekip me të rinj të talentuar. Megjithatë, atje nuk shkoi mbarë, për shkak të krizës financiare të klubit, që çoi të largimi i trajnerit dhe shumë lojtarëve.
Tani Ahmataj mbyll pushimet, sepse ka vendosur të pranojë ofertën e Burrelit. Në vështirësi të mëdha në pjesën e parë të sezonit dhe me një ekip plot arnime, Burreli kërkon të evitojë katastrofën dhe tashmë i beson Ahmatajt, duke i premtuar përforcime cilësore për të siguruar mbijetesën.