Mesfushori brazilian Douglas Kosta është dëmtuar dhe do të mungojë në ndeshjen e fundit në grup kundër Serbisë.
Anësori ofensiv i Juventusit ishte një ndër më të mirët në fushë ndaj Kosta Rikës, kur u fut në pjesën e dytë, por në atë takim pësoi një dëmtim muskulor dhe nuk është nisur fare me ekipin për në Moskë.
I dëmtuar mbetet edhe mbrojtësi i djathtë Danilo, ndërkohë që nuk dihet koha kur do të rikthehet.