Situata financiare nuk është aspak e mirë për Barcelonën pas periudhës së pandemisë. Gazetat spanjolle deklarojnë se borxhi i brendshëm i klubit vazhdon të thellohet edhe më shumë, për shkak dhe të mungesës së trofeve të rëndësishme. Rinovimi i kontratës së Messit është një nga sfidat kryesore të drejtuesve të klubit, i cili nuk ka sqaruar asgjë për të ardhmen e tij.
Që të sigurojnë një kontratë të kënaqshme për argjentinasin, katalanasit duhet të shesin të paktën dy lojtarë të rëndësishëm. Pas transferimit të Agueros duket se Barcelona do të sakrifikojë francezin Griezmann. Thashethemet e fundit flasin për një transferim të tij tëk Manchester City, teksa Guardiola ka shprehur pëlqimin e tij për ta sjellë në Angli. /Sport Ekspres/