Nga Klaudio Ndreca
Edmond Dosti ka vetëm një dashuri dhe gjithmonë i qendron besnik atij përjetimit të parë, pa eksperimentuar shumë me zgjedhjet e bëra. Sa i përket klubeve, është “partizan” i ngjyrës së kuqe. I tillë ishte prej vitesh dhe i tillë mbetet edhe tani. Nuk ka rëndësi nëse qendron jashtë apo brenda skuadrës dhe kryesisë së klubit, sa herë që ekipi lëngon dhe diçka nuk shkon, Dosti është i pari që e ngre zërin.
Madje duke dalë edhe kundër personave që ka njohje të vjetër, por që kur gjërat shkojnë keq dhe nisin të dalin nga kontrolli, atëherë gabimi duhet të theksohet për të mirën e të gjithëve. Në postimin e bërë së fundmi, Dosti ka postuar edhe njëherë një foto teksa qendron me fanellën e Partizanit. Për të kjo është bluzja më e bukur në botë, duke thënë se nuk e tradhëton për asgjë në botë, ndryshe nga të tjerë… /Sport Ekspres/
