Etrit Berisha ka mbetur i dëshpëruar nga humbja kundër Italisë, duke e cilësuar si humbje të pafat dhe të vendosur nga një episod.
“Një gol i pësuar nga një pakujdesi e jona, na vjen keq. Besoj se luajtëm një ndeshje të bukur, por në fund numërohen pikët. Krijuam lojë e raste, por ndoshta na mungon aftësia e Italisë për të shënuar me pak raste”.
Portieri kuqezi është i bindur se Italia do shkojë në Botëror: “Ne kemi skuadër që po rritet gradualisht, Italia ka një skuadër më cilësore dhe shumë të rinj me të ardhme. Doli pas Spanjës, por në play-off jam i sigurt që do kualifikohet”.