Zllatan Ibrahimoviç ka rilindur në moshën 39-vjeçare, duke kapërcyer çdo rregull të futbollit. Sulmuesi suedez po shkëlqen te Milani, ku goli nuk i ka munguar aspak. Por gjiganti nordik ka qenë në të shkuarën një objektiv i skuadrës më të madhe në Gjermani, Bajernit të Mynihut.
Këtë e ka zbuluar Uli Hënes në një prononcim për “RTL”, ku tregon se ka pasur interes për të transferuar Ibrahimoviç, por shifra e kripur që kërkonte ky i fundit në sezon ishte arsyeja përse kalimi në Bavari nuk erdhi asnjëherë.
“Ai është një lojtar i madh, por kërkesat e tij për pagën ishin gjithashtu hyjnore. Nuk arritëm në drejtimin e duhur”, ka thënë Uli Hënes sa i përket prapaskenave të merkatos për transferimin e një emri si Zllatan Ibrahimoviç./Halit Delibashi-Sport Ekspres/