Jasir Asani ka luajtur ndeshjen e fundit me Partizanin, ndërsa tani përgatitet për aventurën e re te AIK. Një nga protagonistët absolut tek të kuqtë në kohën që fitoi tiullin kampion, ndërsa me ardhjen e Lerdës në krye, ka pasur shumë përplasje me teknikun italian.
I ftuar në “Zona Gol”, Asani tregon edhe disi më tepër për marrëdhënien e tij me Franko Lerdën. “Që kur ka ardhur unë jam përplasur, por nuk besoi se ka pasur gjë personale. Më tepër ishin zgjedhje taktike, pasi nuk ishte kurrë i ndarë dhe e ndryshonte gjithmonë skemën. Unë madje i kam thënë edhe në stërvitje: “Nëse ke diçka kundër meje, ma thuaj hapur”. Por më është përgjigjur se është mësuar me futbollin në Itali me ndryshimin e skemave dhe kjo ishte gjithë arsyeja”, tha Asani. /Sport Ekspres/