Humbja e djeshme e Egnatias ndaj Craiovas, e para në Conference League pas tre ndeshjeve, nuk ishte një goditje për shpresat e ekipit shqiptar për të dalë nga faza e grupeve. Në fakt, shanset janë shumë të mëdha për t’u kualifikuar, por Craiova ishte shansi i fundit për të lënë hapësirën e të bërit gabim të detyrave të shtëpisë.
Tani Egnatia nuk duhet të gabojë asgjë për të kaluar më tej. Dy ndeshjet e radhës për Egnatian janë ato takime ku fitorja është në letër dhe duhet të merret dhe në fushë. Në datën 26 nëntor, Egnatia pret në shtëpi Lincolin Red Imps me fitoren që mbetet detyrim. Ndërkohë në datën 10 dhjetor, kampionët e Shqipërisë presin në shtëpi Kauno Zalgiris.
Një tjetër ndeshje që duhet të fitohet, ku në rast se në këto dy takime merren gjashtë pikë, Egnatia kalon automatikisht më tej. E gjitha kjo është për t’iu shmangur ndeshjes së fundit, Braga-Egnatia, që mbetet një takim prestigji pasi tre pikëshi në këtë transfertë është thuajse i pamundur. /Sport Ekspres/