Bota e futbollit është ndalur sot për t’u përulur para një njeriu që nuk njeh kohë: Lionel Messi. Në një përballje të parë të Botërorit, Argjentina ka triumfuar me rezultatin e pastër 3-0 ndaj Algjerisë, por vëmendja totale është përqendruar te “Pleshti”, i cili në moshën 39-vjeçare ka dhuruar një spektakël të paimagjinueshëm.
Messi nuk është mjaftuar me thjesht një gol; ai ka marrë për dore kombëtaren e tij duke shënuar të tre golat e takimit. Goli i parë ishte një perlë nga distanca, i dyti një finalizim prej “vrasësi” në zonë, ndërsa goli i tretë vulosi hat-trick-un që do të mbahet mend gjatë. Përballë një mbrojtjeje algjeriane që nuk gjeti kurrë formulën për ta ndalur, Messi tregoi se klasi është i përjetshme.
Ky nuk është thjesht një triumf i radhës, por një mesazh i fuqishëm për të gjithë ata që guxuan ta shkruanin si “të përfunduar”. Në moshën 39-vjeçare, Messi vazhdon të thyejë ligjet e fizikës dhe të statistikave, duke dëshmuar se është dhe do të mbetet lojtari më i mirë në histori. Tifozët në stadium dhe miliona shikues në ekrane janë përlotur nga ky magjistar. Përuluni, sepse historia po shkruhet përpara syve tanë! Messi është përsëri në majë! /Sport Ekspres/