Atletiko e Madridit nuk i ka kursyer ironitë për rivalët e drejtpërdrejtë të qytetit. Reali i Madridit njoftoi mbrëmjen e sotme se ka ofruar 150 milionë euro për Julian Alvarezin.
“Pasi e studioi dhe e vlerësoi atë, Atletiko e Madridit e ka falënderuar klubin për ofertën, të bërë në kuadër të marrëdhënieve të mira që ekzistojnë midis të dy klubeve, dhe e ka refuzuar atë, duke iu referuar klauzolës së lirimit të lojtarit”, ka njoftuar klubi Real Madrid.
Një deklaratë që është hedhur poshtë nga ana e Atletikos. Këta të fundit kanë reaguar përmes llogarisë zyrtare në “Twitter”, ku i janë përgjigjur me ironi rivalit të tyre.
“Deklaratë zyrtare me sqarimet tona në lidhje me deklaratën zyrtare nga fqinjët tanë të Realit të Madridit:
- Ju keni prerë videon tuaj të Papës, ku ka thënë se ishte gjithashtu tifoz i Atletikos.
- Duhet ta keni ngatërruar mirësjelljen me mirënjohjen, por vetëm që të mos ketë dyshim: nuk po ju falënderojmë për asgjë.
- As nuk po shqyrtojmë dhe as nuk po vlerësojmë asnjë ofertë për Julianin.
- Si mund të mos shkojmë mirë, kur na bën të qeshim edhe më shumë se…Barcelona”, ka shkruajtur klubi Atletiko Madrid./Sport Ekspres/