Alvaro Arbeloa foli për performancën e ekipit të tij oër mikrofonin e “Sky Sport”, pas eleminimit nga Liga e Kampionëve. Trajneri i Realit nuk e ka fshehur pakënaqësinë e tij me arbitrin. Ai ka thënë se dalja me karton të kuq e Kamavingës ishte e pashpjegueshme.
“Jemi shumë të zhgënjyer, sepse të dyja ekipet luajtën një ndeshje të shkëlqyer, ishte e ekuilibruar deri në fund. Askush nuk mund të shpjegojë se si një lojtar mund të përjashtohet për një incident të tillë. Ekipi ishte i zemëruar. Kur humbet kështu, je i zemëruar, i mërzitur dhe i zhgënjyer. Ajo që ndodhi është paksa e padrejtë”, ka thënë Alvaro Arbeloa./Sport Ekspres/