Ardian Ismajli është duke kaluar një sezon të mrekullueshëm. Në këtë edicion të ri të Serisë A, mbrojtësi shqiptar është mes më të mirëve në Itali, për të mos thënë më i miri në pozicionin e tij. Në mediat italiane është folur shumë sa i përket kalimit të Ismajlit te Juventusi dhe ishte vetë lojtari që e pohoi interesimin e bardhezinjëve.
Ndërkohë trajneri i Empolit, D’Aversa, e ka gjetur një rrugë zgjidhje për ta penguar me sa mundet largimin e lojtarit më të rëndësishëm të ekipi. “Unë do të preferoja që të flisja sa më pak për Ismajlin, të flasim sa më pak për të, është më mirë që ai të mos jetë në qendrën e vëmendjes. Sepse kështu rrezikojmë të na largohet që në janar dhe është e vështirë t’i gjesh një zëvendësues”, tha trajneri i Empolit. /Elio Hajdari-Sport Ekspres/