Sot të gjithë sytë e shqiptarëve janë drejtuar nga Kosova. Dardanët e vegjël do të përballen sot kundër Lituanisë. Një ndeshje që jo vetëm duhet të fitohet nga Kosova, por kjo duhet bërë me një golavarazh të thellë.
Kështu do të ishte më mirë teksa do të jemi ende në pritje të vendimit që do të merret sa i përket ndeshjes Rumani-Kosovë. Nëse tre pikët do t’i kalonin dardanëve, atëherë shanset për vendin e parë do të ishin reale dhe ajo që do të kërkohej do të ishte golavarazhi që për momentin rumunët e kanë më mirë. /Sport Ekspres/