Si lojtar i Nice, në vitin 2018, sulmuesi italian Mario Balotelli ka qëndruar në Moskë dhe aty ka realizuar një video në të cilën shihet duke kërkuar Vladimir Putinin. Para ndeshjes me Spartak-un, futbollisti i atëhershëm i Nices ka shëtitur nëpër Moskë dhe ka filmuar veten duke thënë: “Putin, Putin, ku je Putin?”, ndërsa bashkëlojtarët qeshën.
Edhe katër vite më vonë, sulmuesi kontrovers “kujtoi” presidentin e Rusisë, për shumë njerëz në botë një personazh i urryer sepse sulmoi Ukrainën. Me shpërthimin e luftës në Ukrainë, futbolli botëror filloi të distancohej nga rusët. Skuadrat vendase janë pezulluar nga kompeticionet evropiane dhe kombëtarja nuk lejohet të luajë në kualifikueset e Euro 2024.
Megjithatë, ka shumë futbollistë që ende lavdërojnë Rusinë dhe e tolerojnë luftën. Një prej tyre është sulmuesi kontrovers Mario Balotelli. Ai publikoi një video në Instagram në të cilën krahason sjelljen e presidentit amerikan Joe Biden dhe diktatorit rus Vladimir Putin teksa i bënte homazhe një ushtari të rënë.
Mario e portretizon qartë Putinin në një këndvështrim pozitiv, pasi ai nuk ka frikë as nga shiu teksa i bën homazhe ushtarit të vdekur, ndërsa Biden shikon orën e tij. Videoja shkaktoi shumë reagime dhe komente negative dhe për këtë arsye ai duhej të mbështeste dhe të shpjegonte qëndrimin e tij. “Nuk bëhej fjalë për politikë. Bëhej fjalë për respektimin e njerëzve që vdiqën”, ka thënë Balotelli. /Elio Hadjari-Sport Ekspres/
Il calciatore Mario Balotelli ha pubblicato un video che mostra in contrasto l’atteggiamento di Biden e Putin nei confronti dei loro eroi connazionali caduti. Il video non è durato molto,ma a giudicare dai commenti è riuscito a fare un po’ di rumore. pic.twitter.com/HisBXTpehs
— Nadia Cecchin (@cecchin1_nadia) January 29, 2024