Francesco Camarda jo vetëm që u përfshi në listë nga trajneri Stefan Pioli në skuadrën e Milanit për përballjen ndaj Fiorentinës, por mori edhe një shans për t’u shfaqur në fushë. Në këtë mënyrë, sulmuesi i talentuar u bë debutuesi më i ri në historinë e Serisë A. Skuadra nga San Siro pati shumë telashe me përbërjen e vijës sulmuese për ndeshjen e së shtunës në Serie A kundër “Violës”, por në fund arriti të fitonte me shifrat 1-0. Kjo për shkak të pezullimit të detyruar për kartonin e kuq të Oliver Giroud dhe problemeve shëndetësore të Noah Okafor dhe Rafael Leão.
Si rezultat, Luka Jovi? ishte në fushë nga minuta e parë. Megjithatë, ai nuk ishte në gjendje ta përdorte atë shans dhe ishte një nga lojtarët më të dobët në fushë pothuajse gjatë gjithë ndeshjes. Për këtë arsye, trajneri Stefano Pioli i dha shansin Francesco Camarda në minutën e 83. Vetëm 15 vjeç e 260 ditë dhe Camarda shkruan historinë në Serinë A. Përpara tre vitesh, Camarda bënte foto me Ibrahimovic si një tifoz i tij dhe si idhulli kryesor që kishte, por tani, Camarda zbriti në fushën e blertë me fanellën e Milanit dhe suedezi e duartroket nga stadiumi. /Elio Hajdari-Sport Ekspres/
Three years ago he was taking pictures with Ibrahimovic and today is the first match
Francesco Camarda with Milan to become the youngest player to participate in the history of the Italian League, as he was 15 years, 8 months and 15 days old. This talent will be the future of… pic.twitter.com/WHd0zGKjTW— Ridha Ben yahiya (@RidhaYahiya) November 26, 2023