Për të parë fuqinë e vërtetë të futbollit ndonjëherë duhen parë ekipet “e vogla”. Aty shpeshherë dallohet edhe dashuria dhe pasioni i madh i tifozëve për skuadrën dhe për lojën. Këto ndjesi u transmetuan pastër mbrëmjen e djeshme, kur stadiumi “Anoeta” gumëzhinte nga këngët dhe brohorimat e tifozëve.
Real Sociedadi befasoi Interin që në minutat e para të ndeshjes, duke ndezur edhe më shumë zjarrin e tifozerisë së tyre. Të gjithë me ngjyrat simbol të klubit dhe të kapur krahë për krahë me njëri-tjetrin kërcejnë në ajër në shkallët e stadiumit, duke ofruar një pamje mbresëlënëse. Real Sociedadi kishte 10 vite që nuk merrte pjesë në grupet e Champions-it, çka e bën edhe më të madh pasionin e tifozerisë për të mbështetur skuadrën./Sport Ekspres/
Real Sociedad back in the UCL after 10 years and not only did the team impress but the fans made it a memorable night. ???pic.twitter.com/zAlShMYwMT
— LaLigaExtra (@LaLigaExtra) September 20, 2023