Cristiano Ronaldo nuk arriti të shënonte në fitoren 3-1 të Al Nassr kundër Al Batin. Megjithatë, një detaj nga fundi i ndeshjes ka qenë veçanërisht në qendër të vëmendjes pasi kamerat kanë regjistruar momentin kur Ronaldo ka hyrë në tunel dhe pas kësaj njëri nga djemtë ka vendosur të provokojë portugezin.
Djali e tallte Ronaldon se Lionel Messi ishte një futbollist më i mirë se ai dhe kamerat e kapën momentin, por edhe portugezi u dëgjua të thoshte diçka më pas. Në rrjetet sociale u shfaq edhe një video ku pretendohej se Ronaldo i është përgjigjur djalit: “Epo, atëherë shko shikoje”. /Elio Hajdari-Sport Ekspres/