Kur Martin Odegaard ishte adoleshent, parashikohej se një ditë do të ishte ndër lojtarët më të mirë në botë dhe kjo është pikërisht ajo që po ndodh këtë sezon. Odegaard është truri i skuadrës së Arsenalit që po ecën drejt titullit të kampionit të Premier League pas dy dekadash. Të mërkurën mbrëma, topçinjtë mundën Evertonin me rezultatin 4-0 në Emirates dhe një nga golashënuesit ishte mesfushori norvegjez.
Megjithatë, kjo ndeshje nuk do të mbahet mend aq shumë për golin e Odegaard, por për atë që është ndoshta ndërhyrja më inteligjente rrëshqitëse në futbollin modern. Odegaard arriti të mashtrojë rivalin e tij në një mënyrë shumë inteligjente dhe të veçantë. /Sport Ekspres/