Sikur të mos mjaftonte Asllani, Interi është në kërkim edhe të një lojtari tjetër të Shqipërisë. Mediat prestigjoze italiane raportojnë se zikaltërit kanë piketuar Kumbullën si zëvendësuesin ideal të Skriniar. Ky i fundit është në lupën e PSG, me gjigandët francez që mund ta marrin në merkaton e verës.
Kështu thuhet se Marash Kumbulla i ka pëlqyer drejtuesëve të Interit për t’i besuar vendin e Skriniarit. Megjithatë te Roma nuk kanë ndërmend që ta lëshojnë kaq lehtë lojtarin e Kombëtares, pavarësisht se ka qëndruar në stol. Kryeqytetasit nuk lëvizin asgjë nga çmimi i tyre i parë, në të kundërt Kumbulla nuk preket. /Elio Hajdari-Sport Ekspres/