Ardit Deliu e ka mbyllur aventurën e tij me Laçin. Mesfushori i ka dhënë lamtumirën klubit nëpërmjet një postimi në rrjetet sociale. Atje ka falënderuar shokët e ekipit, trajnerët, por edhe tifozët për mbështetjen e madhe që i kanë dhënë.
Ndërkohë Deliu e ka gjetur menjëherë ekipin e ri. Sipas informacioneve të Supersport, lojtari ka akord me ekipin letonez, Liepaja. Këta të fundit janë në elitën e futbollit dhe pas 16 javësh kampionat gjenden në vendin e tretë, vetëm gjashtë pikë më pak se skuadra kryesuese. /Elio Hajdari-Sport Ekspres/