Frederik Veseli ka dalë në konferencë për shtyp para ndeshjes së Shqipërisë me Islandën në transfertë. Kjo përballje do të nis rrugëtimin e Kombëtares në Ligën e Kombeve.
“Do të jetë ndeshje e vështirë. Ne nisemi si favorit për të fituar grupin, por të shohim se çfarë mendojnë ekipet e tjera. Ne kemi vullnetin për të fituar, jo 100%, por 200%.
Mbrojtja e përgatitur në Itali është gjë e mirë pasi ky vend ka nxjerrë mbrojtës të njohur. Ne do të bëjmë detyrën tonë në mbrojtje, pastaj detyra i mbetet Vrionit për të shënuar”, tha Veseli. /Sport Ekspres/