Në ndeshjen që Serbia fitoi ndaj Portugalisë dhe arriti që të merrte vendin e parë, menjëherë pas mbylljes së ndeshjes, ishin përgatitur disa fanella ku thuhej: “Le të valojë flamuri nga Prizreni në Kosovë deri në Rumija të Mali të Zi”.
Për këtë arsye Federata e Futbollit të Kosovës është ankuar në UEFA dhe pret dënimin e Serbisë. Megjithatë, Federata e Futbollit të Serbisë nuk është aspak e frikësuar. Sipas asaj që raportojnë mediat serbe, nuk do të ketë asnjë dënim pasi delegati i ndeshjes nuk ka shkruar për asnjë moment diçka që do të kompromentojë serbët. /Sport Ekspres/