Presidenti i Uefas, Aleksandër Ceferin nuk e ka harruar krijimin e “Superligës Europiane”. Teksa 9 skuadra dhanë dorëheqjen nga kjo ligë fantazëm, Reali, Juventusi dhe Barcelona nuk janë shkëputur akoma. Ceferin deklaroi haptazi se nuk do të hidhërohej aspak nëse këto tre skuadra do të përjashtoheshin nga Uefa Champions League.
“Nuk do të më vinte keq nëse do të largoheshin nga Liga e Kampionëve. Është shumë argëtuese të shohësh ato klube që duan të krijojnë një ligë tjetër, por në të njëjtën kohë të marrin pjesë edhe në Champions League”, u shpreh Ceferin. /Elio Hajdari-Sport Ekspres/