Shqipëria e ka nisur në mënyrën më të keqe të mundshme serinë e ndeshjeve të shtatorit. Kuqezinjtë janë mposhtur thellë 4-1 në Varshavë, ku Polonia u tregua cinike dhe diti të përkthejë në gol mundësitë e krijuara. Një rezultat i hidhur ky për kuqezinjtë, që vjen ndaj një kundërshtari direkt për objektivat në grup. Në përfundim të takimit vetë aktorët në fushë dhe jashtë saj kanë dhënë intervistat e tyre për “Supersport“.
Gjimshiti: “Sigurisht që rezultati 4-1 është shumë i lartë. Jam i pakënaqur me gabimet që kemi bërë. Në pjesën e parë kemi luajtur mjaft mirë, nuk mbaj mend ndeshje që kemi luajtur aq mirë. Bëmë dy gabime në goditje standarde dhe marrim dy gola kot. Kjo është ajo që më acaron më shumë. Prapë ishim në lojë, por pësojmë gola shumë lehtë“./Halit Delibashi-Sport Ekspres/