Shqipëria do të përballet në transfertën ndaj Polonisë në takimin e vlefshëm për kualifikueset e Botërorit. Para këtij takimi, kuqezinjtë janë përforcuar edhe me një emër si Nedim Bajrami nga Empoli. I pranishëm në konferencën për shtyp gjatë ditës së sotme ishte Berat Gjimshiti, që mes të tjerash komentoi edhe duelin që pritet me Leëandoëski.
“Kam pasur shumë ndeshje me klubin dhe Kombëtaren në sezonin e kaluar. Me Kombëtaren kemi bërë hapa positive përpara. Në këto tre ndeshje do të bëjmë maksimumin për të marrë sa më shumë pikë. Besoj se mund ta shfrytëzojmë momentin e vështirë të Polonisë. Kemi respekt për ta, pasi kanë lojtarë që luajnë në ekipe më të mira në botë. Por ne duhet të shohim Shqipërinë dhe do të japim maksimumin që të fitojmë ndeshjen.
Leëandoëski? Nuk ka shumë për të studiuar pasi si çdo tifoz i futbollit i shohim ndeshjet e më të mirëve në botë. Pra do të shohësh edhe një Bayern me Leëandoëski-n. Është sulmuesi më i mirë i momentit dhe unë do jap maksimumin tim. Frikësimi ndaj rivalëve të njohur? Nëse frikësohesh, le të themi se je gabim dhe kot në futboll”, u shpreh Gjimshiti. /Sport Ekspres/