Brazil-Argjentinë 0-1 Di Maria 22′
Argjentina është fituesja e Kupës së Amerikës pasi ka mundur Brazilin në finalen e shumëpritur. Pritshmëritë janë përmbushur në këtë duel që kishte spektakël, por edhe shumë lojë të luftuar ku arbitrit i është dashur në shumë raste që të ndëshkojë lojtarët me karton të verdhë.
Goli i vetëm i sfidës u realizua nga ana e Di Marias në minutën e 22 me parabolën që kaloi portierin e Brazilit. Richarlison do të barazonte në pjesën e dytë, por goli do të anulohej për pozicion jashtë loje. Gabriel Barbosa kishte një tjetër mundësi të artë për të barazuar në të 87, teksa hasi ndërhyrjen vendimtare të portierit kundërshtar. Në këtë mënyrë Mesi ka fituar trofeun e munguar me Argjentinën për të plotësuar kabinetin e tij të trofeve. /Sport Ekspres/
Finalja e Kupës së Amerikës që do të nisë në orën 02:00 është përballja mes Brazilit dhe Argjentinës. Vetëm pak minuta më parë janë bërë publike edhe formacionet zyrtare të dy Kombëtareve.
Argjentina i beson sulmin Mesit dhe Martinez që do të jenë rreziku kryesor për mbrojtjen e Brazilit. Nga krahët do të kemi mbështetjen e vazhdueshme të Di Marias dhe Lo Celsos, ndërsa në qendër të mesfushës është De Paul dhe Paredes që pritet të furnizojnë më shumë sulmin.
Ndërkohë edhe në krahun e Brazilit nuk kemi shumë vend për surpriza nga ana e trajnerit Tite. Nejmar ndodhet i vetëm në majën e sulmit, ndërsa Everton dhe Richarlson vijnë si mbështetje nga krahët e sulmit. /Sport Ekspres/