Përpara pak minutash ka ardhur edhe vendimi zyrtar i Federatës Holandeze të Futbollit mbi trajneri De Boer. Ky i fundit doli kundër të gjithëve dhe vazhdoi si besnik i skemave të tij deri në ndeshjen e fundit të Europianit duke u eliminuar nga Çekia. Një tronditje e madhe kjo për “tulipanët”, ndërsa trajneri është shkarkuar për të mbajtur përgjegjsinë dhe nuk do të jetë më pjesë e Holandës.
Po i njëjti fat që De Boer e ka ndjekur kur ishte pjesë e Crystal Palace, Inter dhe Atlanta United. Tashmë CV e tij është gjithmonë e më pak bindëse mbi rezultatet e korrura në ekipet që ka drejtuar. Ndërkohë kur flitet për këtë trajner, përpos dështimit me Holandën, ato që do të kujtohen janë edhe fjalët e Murinjos: “Gjithmonë më mëson sesi të humbas”. /Sport Ekspres/