“Kam pasur fëmijëri të vështirë, nuk më binin gjërat në prehër“, Uzuni: Rekordi im, temë edhe në dhomën e zhveshjes

Periudha te Ferencvarosh është padyshim më e suksesshmja në karrierën e Myrto Uzunit deri më tani. Sulmuesi shqiptar dita ditës po shkruan në fletoren e historisë së klubit hungarez, ku madje ka thyer rekordin e legjendës Nyilasi si dhe ishte vetëm një gol larg rekordit të një tjetër emri që e ka vendin në këndin e legjendave të skuadrës nga Budapesti, Albert Florian.

Lojtari i Kombëtares shqiptare ka dhënë një intervistë për “Ulloi129”, në të cilën nuk e fsheh kënaqësinë e madhe që po ndjen nga prekja e rekordeve të tilla. Gjithashtu Uzuni ua bën të qartë në Hungari se gjithnjë dëshiron të luftojë për të kapur suksesin, pasi fëmijëria e tij e vështirë e ka mësuar të ketë një mentalitet të tillë.

“Nuk mund të mësohesh kurrë me gëzimin e një goli. Unë me të vërtetë dua të shënoj në çdo ndeshje. Kam pasur një fëmijëri të vështirë, asgjë nuk më ra kurrë në prehër, mësova, duhet të luftoj për gjithçka, duhet të luftoj, nuk mund të rri duarkryq.

Në fakt, mbase jam në formën më të mirë të karrierës sime tani, duke përfshirë periudhën time të mëparshme në Kroaci. Në muajt e fundit unë kam qenë gjithnjë e më mirë, ndeshjet e Champions League gjithashtu më dhanë një hov të madh. Unë gjithashtu shënova në Kombëtaren shqiptare, të gjitha këto ishin të mira për vetëvlerësimin tim.

Keqardhje për mosthyerjen e rekordit? Po, pak keq, do të ishte turp ta mohoja atë. Do të kishte qenë shumë mirë ta gjenim portën edhe në Mez?kövesd, qoftë vetëm sepse atëherë mund të fitonim.

Ai njoh Tibor Nyilasi dhe Albert Florian? Unë jam një djalë i sinqertë, duhet ta pranoj, kur erdha në Hungari, nuk e dija … Pastaj kur u ndjeva më mirë në Ferencváros, lexoja gjithnjë e më shumë për historinë e klubit. Kohët e fundit, rekordi im ishte një temë edhe në dhomën e zhveshjes, kështu që unë lexova veçmas karrierën legjendare të Tibor Nyilasi dhe Albert Flórián. E di saktësisht se cilët lojtarë të shkëlqyeshëm ishin. Jam gjithashtu i nderuar që emrin tim e kam në një faqe me ta. Ata ishin legjenda dhe unë jam krenar për performancën time“, ka thënë Mryto Uzuni./Halit Delibashi-Sport Ekspres/